Poesis Latina A Florindo Di Monaco Scripta
Latin Poetry by Florindo Di Monaco

• Ambubaia
• Mater
• Terrarum Mirabilissima Decem
• 1. Urbs "Bangkok" vulgo nuncupata
• 2. Novum Eboracum (New York)
• 3. Horti urbis japonicae cui nomen "Kyoto"
• 4. Insulae Tahitianae (Tahiti)
• 5. Regia Araba quae "Alhambra" dicitur (Granada, Alhambra)
• 6.Insula Indonesiana "Bali" appellata
• 7. Venetiae
• 8. Saltus aquarum cui nomen "Niagara"
• 9. Cacumina Andina "Alturas de Macchu Picchu" dicta
• 10. Specus Postumienses (Postumia in Jugoslavia)
• Anni Tempora
• 1. Vere
• 2. Aestate
• 3. Autumno
• 4. Hieme
• Vale
• Plenilunii Nox

Ambubaia

	Ambubaia cito veste rubra salit, in scaenam fluitat, volvitur ut trochus, nescit gnara moras, it lepide, redit inclinatque caput, crus levat et trahit.
5	Aufert vela pudor iamque sinus patet, stroppi paene cadunt, zona manet tremens. Dissolvit subito caesariem nigram, usque ad crura fluens unda genu tegit.

Mater

	Lallat infanti genetrix sub umbra. Vesper in caelo nitidus refulget, luna post frondes caput abdit amplas. Nunc tacet ales.
5	Parvulus dormit. Nurus usque cantum sera diffundit. Sonat aer una. Incitans cunas capit illa somnum nuda papillas.

Vale

	"Adsum, Paula, tuus pupulus. O! nive caelum triste vides? Sic animus mihi". "Frondes heu! rapuit corde meo notus. Olim gratus eras tu mihi par pari".
5	"Vultus nunc lacrimis ut madidus meris! Dulce os 'Te cupio' fundere cur negat?". "Non iam stella micans unica sum tibi. Passus insolitus sol alio regit". "Perterrent tenebrae me sine te malae.
10	Ad me curre cito, basia da labro!". "Exstinxit rutilum vox fidei vagae ignem. Care, vale! Iam fuit hic amor". "Flores vere novo quot varios legam crines ut religem! Semper amans mane!".
15	"Haud promissa valent ficta. Memor tui servabo violam. Mi iuvenis, vale!".

Plenilunii Nox

	Flava in caesarie molliter uvida orbes constituit luna silentii. Mulcens dorsa capillus velamen simulat leve.
5	Frondoso folium stipite decidit. Concentus tenues astra vibrantia nudant. Intemerata purgo in virginitate cor. Dum somni iuvenis palmite gaudium
10	decerpis dubium nescia posteri, clavem mittere vitae lassis e manibus libet!