 |
Doxa Soi, Kyrie, doxa Soi, Kyrie!
Sanctam Catharinam,
scholae heroinam
quae florebat olim
|
| 5 |
ignorari nolim,
sensum sapientem,
eruditam mentem,
faciem formosam,
iuventutis rosam.
|
| 10 |
Doxa Soi, Kyrie, doxa Soi, Kyrie!
Rex cum cupiebat
illa abnuebat,
clamans fidem Christi
peccatori tristi:
|
| 15 |
misit ille viros
quinquaginta miros,
impotentes vere
virgini suadere.
Doxa Soi, Kyrie, doxa Soi, Kyrie!
|
| 20 |
Fixa est in rotam
antehac ignotam;
rota mox dirupta,
perrexit innupta;
valde irritatus
|
| 25 |
iussit rex iratus
caput floris fidi
gladio abscidi.
Doxa Soi, Kyrie, doxa Soi, Kyrie!
Angeli ad montem
|
| 30 |
praeter horizontem
portaverunt planctum
corpus sacrosanctum.
Viam nobis para,
exemplo declara,
|
| 35 |
ad caelos inclina,
sancta Catharina.
Doxa Soi, Kyrie, doxa Soi, Kyrie!
|
|
Nostra tellus frigida obscura
lecta est quam impleat mixtura
sanguinis et aquae large fusa
ex afflicto Nati latere.
|
| 5 |
Pater vult discrimen quatere:
nurus fit sponsalibus abusa.
Benedictus qui
venit in nomine Domini.
Hosanna in excelsis!
|
| 10 |
Terrarum Lac et Mel sis,
caelestis nostra Via
quam peperit Maria!
O Veritas, o Vita
cum genere unita
|
| 15 |
de Ioachim et Anna!
Hosanna, hosanna!
Heva, costa Adae ac marita,
restat gentis durae stirps avita:
nunc in virgam virginem aeterni
|
| 20 |
germen Domini inseritur:
scabra sic robigo teritur:
ossa sicca rigant succi verni.
Benedictus...
Somniabant sola obsoleta,
|
| 25 |
cecinit luciferum propheta:
diem Sol Iustitiae indicit:
ros stillatur febrem feriens:
cum Rachel pariret periens,
iam Maria mater mortem vicit.
|
| 30 |
Benedictus...
O primitiae, o vera vitis,
orbos nos fecundans colas mitis
qui te resecuimus ligatum
ut sit panacea trivio:
|
| 35 |
Canae vinum das convivio:
in solamen est "amen" mutatum.
Benedictus...
|